Şirkətimiz müasir standartlara cavab verən istehsalat fabrikinə, anbar infrastrukturuna və satış nöqtələrinə malikdir. Fabrikimiz və anbar strukturumuz Bakı şəhəri, Binə qəsəbəsində yerləşir. 80 000 m² açıq sahəyə və 17 000 m² qapalı sahəyə malik olan fabrikimiz ümumilikdə 97 000 m² ərazini əhatə edir. Fabrikimizdə Nuitz markası üzrə quru meyvə, çərəz, müxtəlif çeşiddə günəbaxan tumları, Joysi markası üzrə isə popkorn, suxarı və qarğıdalıdan hazırlanan qəlyənaltı məhsullarının ekoloji sağlam şəkildə paketlənərək istehsalı həyata keçirilir. Fabrikimiz ən yüksək beynəlxalq qida istehsalatı standartlarını qoruyur və qızartma, quru qovurma, toplu qovurma, dad vermə və qablaşdırma üçün ən son texnologiyalardan istifadə edir.

Məhsullarımızın keyfiyyətini istehsalatda dünyanın aparıcı texnologiyalarının istifadəsi təmin edir. Fabrikimizdə müasir standartlara uyğun yüksək keyfiyyətli avadanlıqlar quraşdırılmışdır. İstehsalat prosesi zamanı keyfiyyət və gigiyena standartlarına və xüsusilə qida təhlükəsizliyinə xüsusi diqqət yetirilir. Biz yalnız yeni texnologiyalardan istifadə edirik və istehsal proseslərini daim təkmilləşdirərək məhsullarımızın mükəmməlliyini təmin edirik. Məhsulların paketlənməsi təhlükəsiz qaydada və ən son texnologiyalar əsasında həyata keçirilir. Fabrikimizdə istehsal xəttinin bütün prosesləri, istehsal paketlərinin sayı, istehsal xəttinin səmərəliliyi, istifadə olunan xammalın miqdarı və s. detallarla yanaşı ən kiçik detalları belə idarə edirik. Biz xammalın ilkin mərhələsindən son istehsalat mərhələsinə kimi (məhsulun istehlakçıya çatana qədərki bütün mərhələləri) yüksək texnologiya, milli və beynəlxalq sertifikatlaşdırma sistemlərindən istifadə etməklə bütün proseslərə ciddi nəzarət edirik.